Əsədov Ədalət Məhiyəddin oğlu 29 avqust 1967-ci ildə Kəlbəcər rayonunun Başlıbel kəndində anadan olmuşdur. 1973-83-cü illərdə Başlıbel kənd məktəbində orta təhsil almışdır. 1986-1988-ci illərdə hərbi xidmətdə olmuşdur. 1985-1992-ci illərdə D.Bünyadzadə adına Azərbaycan Xalq Təsərrüfatı İnstitutunda (indiki Azərbaycan Dövlət İqtisad Universiteti) ali təhsil almışdır.
1988-ci ildə Başlıbel kəndində yeləşən “Xanlar” adına kolxozda iqtisadçı və baş mühasib vəzifələrində işləmişdir. 1992-2002-ci illərdə vergi orqanlarında müfəttiş, şöbə müdiri, böyük dövlət vergi müfəttişi və s. vəzifələrdə çalışmış Ədalət Əsədov 2003-cü ildən özəl sektorda fəaliyyət göstərir. Eyni zamanda, paralel olaraq da müəyyən elmi araşdırmalar apararaq, 2007-ci ildən ali məktəbdə pedaqoji fəaliy-yətə başlamışdır. 2011-ci ildə “Regionlarda xidmət sahibkarlığının inkişaf prob-lemləri (maliyyə-vergi məsələləri)” mövzusunda dissertasiya işini uğurla müdafiə edərək iqtisad elmləri üzrə fəlsəfə doktoru elmi dərəcəsi almışdır. Ölkəmizdə sahibkarlığın, xüsusilə xidmət sahibkarlığının inkişafı, özəl sektorda maliyyə-vergi münasibətlərinin təkmilləşdirilməsi və s. istiqamətlərə dair yerli və xarici jurnallar-da çap edilmiş 45 elmi əsərin, 2 dərs vəsaitinin və 1 monoqrafiyanın müəllifidir. Hal-hazırda Azərbaycan Kooperasiya Universitetində dosent vəzifəsində çalışır. Ailəlidir, 2 övladı var
Comments