"Gəncliyimiz,gələcəyimizdir" adlı bölməmizin bu yazısını ömrünü Azərbaycan və eləcədə rayonumuzun folkloruna həsr etmiş kəlbəcərlimizə Abbasova Aytac Hicran qızına həsr edirik.
Aytac Abbasova 01.01.1988-ci il tarixində Kəlbəcər rayonunun Nəcəfalı kəndində anadan olub. 2005-2009-cu illərdə Azərbaycan Dövlət Pedaqoji Universitetinin Filologiya fakültəsinin əyani şöbəsində təhsil alıb, fərqlənmə ilə bitirib. 2009-2011-ci illərdə Bakı Slavyan Universitetinin “Folklorşünaslıq və Mifologiya” fakültəsinin əyani magistraturasında təhsil alıb, fərqlənmə ilə bitirib. 2011-2015-ci illərdə AMEA Folklor İnstitutunun doktoranturasında təhsil alıb. Azərbaycan folklorunun regional xüsusiyyətləri (Kəlbəcər nümunələr əsasında) adlı dissertasiyanı 28.09.2016-cı il tarixində müdafiə edib. AR-nın Prezidenti yanında AAK-ın 26.07.2017-ci il tarixində filologiya üzrə fəlsəfə doktoru elmi dərəcəsini alıb. Bir kitabı və 40-a yaxın elmi məqaləsi var, 15 ədəd beynəlxalq və yerli konfranslarda çıxış edib. İxtisaslaşdığı elmi sahə folklor və yazılı ədəbiyyatın qarşılıqlı əlaqəsidir.
Əmək fəaliyyəti haqqında
2009-2012-ci illərdə Kəlbəcər rayon 20 saylı tam orta məktəbində və 2012-2015-ci illərdə Laçın rayon Qozlu kənd tam orta məktəbində Azərbaycan dili və ədəbiyyat müəllimi işləyib. 2015-ci ildən AMEA Folklor İnstitutunun "Folklor və yazılı ədəbiyyat" şöbəsində elmi işçi, 2016-ci ilin dekabr ayından böyük elmi işçi vəzifəsində işləyir.
Ailəlidir, bir övladı var.
Qeyd edək ki,Kəlbəcər saytımızın "folklor" bölməsi Aytac xanımın yazıları ilə işıqlandırılacaqdır.
Commentaires