top of page



Görkəmli şəxslər haqqında məlumat
 

Kəlbəcər rayonu üzrə 73 nəfər elmlər doktoru və professor vardır. Onlardan:

Həsənov Eldar Hümmət oğlu - hüquq elmləri doktoru, general-leytenant,  iqamətgahı Belqrad şəhərində olmaqla Azərbaycan Respublikasının Serbiya Respublikasında, Monteneqroda və Bosniya və Herseqovinada fövqəladə və səlahiyyətli səfiri.

Əmiraslanov Yusif Əbülfət oğlu - Moskva A.V.Vişnevski adına Cərrahiyyə İnstitutunun professoru, tibb elmlər doktoru.

Əsgərov Şahlar Qaçay oğlu - BDU-nin professoru, fizika-riyaziyyat elmləri doktoru.

Həsənov Şahin Hümmət oğlu -  Azərbaycan Texniki Universitetin “Avtomobil daşımaları və yol hərəkətinin təhlükəsizliyi” kafedrasının professoru,Texniki elmlər doktoru,"Müdafiə şurası"nın üzvü,"Beynəlxalq Nəqliyyat Akademiyasının həqiqi üzvü"

Quliyev Sabir Əli oğlu - texnika elmləri doktoru.

Əbülhəsənov Ramiz Əli oğlu - Moskva Ürək-damar Cərrahiyyə Klinikasının cərrahı, tibb elmləri doktoru.

Həbibov Sabir Qaçay oğlu - Moskva 79-cu Klinik Xəstəxanada Ensiklopedik cərrahiyyə şöbəsinin müdiri, tibb elmləri doktoru.

Nəsib Nəbioğlu - Rusiya Federasiyası Yazıçılar Birliyinin üzvü, Rusiya Turizm Şurasının məsul katibi.

Qasımov Cəlal Cəlil oğlu - Slovakiya Respublikası Bratislava Texniki Universitetinin professoru, texnika elmləri doktoru.

Mirzəyev Əli Sarı oğlu - filologiya elmləri doktoru.

Əhmədov Yusif Kərəm oğlu - professor .

 

Bunlardan başqa onlarla elmlər namizədi respublikanın müxtəlif tədris müəssisələrində fəaliyyət göstərir.

Sabir Həbibov

Sabir Həbibov

Tibb elmləri doktoru, professor

Yusif Əhmədov

Yusif Əhmədov

Biologiya elmləri doktoru, professor

Musa Kazımov

Musa Kazımov

Azərbaycan Neft Akademiyasının dosenti

Nağdəli Zamanov

Nağdəli Zamanov

Tibb üzrə fəlsəfə doktoru

QƏNBƏR ŞƏMŞİROĞLU
Qənbər Şəmşiroğlu 16 noyabr 1933-cü ildə Kəlbəcər rayonunun Ağdaban kəndində anadan olub. 1950-ci ildə Yanşaq kənd orta məktəbində təhsilini bitirdikdən sonra bir il kəndli-gənclər kursunda işləyib. 1951-ci ildə Ağdam İkillik Müəllimlər İnstitutunun Azərbaycan dili və ədəbiyyatı fakültəsinə daxil olub. 1953-cü ildə həmin institutu bitirərək Kəlbəcər rayon Ağdaban kənd yeddiillik məktəbində müəllim, 1957-ci ildən isə həmin məktəbin direktoru işləyib.
 
1957-ci ilin mart ayından 1958-ci ilin avqust ayınadək Kəlbəcər rayon Partiya komitəsində təbliğat-təşviqat şöbəsinin müdiri vəzifəsində çalışıb. 1958-ci ildə Bakı Ali Partiya məktəbinə göndərilib. 1961-ci ildə qiyabi yolla N.Tusi adına institutu, 1964-cü ildə isə Sovet İttifaqı Kommunist Partiyası yanında Ali Partiya məktəbini bitirib.
 
1960-1966-cı illərdə Ağdaban səkkizillik məktəbidə direktor, 1966-1971-ci illərdə Kəlbəcər qəsəbə orta məktəbidə direktor, 1971-ci ildən 1974-cü ilədək Kəlbəcər RPK-nın ikinci katibi, 1974-1988-ci illərdə Kəlbəcər RİK-in sədri, 1989-cu ilin aprelindən 1991-ci ilin oktyabr ayınadək Gədəbəy RİK-in sədri, 1991-ci ildən 1992-ci ilin may ayınadək Gədəbəy rayon İcra Hakimiyyətinin başçısı, 1993-cü ilin aprel ayından Azərittifaqda baş müşavir, 1993-cü ilin aprel ayından 1994-cü ilin yanvar ayınadək Kəlbəcər rayon İcra Hakimiyyətinin başçısı işləyib.
 
16 noyabr 2008-ci ildə 75 illik yubileyi qeyd olunmuşdur.
Respublika Ağsaqqallar Şurası Məclisinin üzvü, Aşıq Şəmşir Mədəniyyət ocağı İctimai Birliyinin sədri və Azərbaycan Yazıçılar Birliyinin üzvüdür.

Ziyalılarımız və onların elmi və iş həyatları . 

Məlumatlarda köməyə görə
​
ADPU-nun dosenti, fəlsəfə doktoru Mirvari Verdiyeva-ya minnətdarıq.
bottom of page